«Орта білім беру сапасын ғылыми-практикалық негізде арттыру» тақырыбында қалалық семинар өтті.

Іс-шара Қазақстан Педагогикалық Ғылымдар Академиясының президенті, Абай атындағы ҚазҰПУ зерттеуші-профессоры Құсайынов Асқарбек Қабыкенұлының пилоттық жобасы аясында ұйымдастырылды. Семинарға іс-тәжірибе алмасу мақсатында Алматы қаласындағы  осы пилоттық жобаға  қамтылған жиырма мектептен мұғалімдер қатысты. 
Семинар барысында пленарлық отырыс, постерлер галереясы ұйымдастырылып, педагогтер зерттеу сабақтары, ақылдасу сабақтары, цифрлық технологиялар мен жасанды интеллект құралдарын қолдану тәжірибелерімен бөлісті.
Осындай кәсіби кездесулер педагогтердің тәжірибе алмасуына мүмкіндік беріп, білім беру сапасын арттыруға ықпал етеді.