14
октябрь
2021
«Ұлтаралық келісім және татулық»
12.10.2021жыл.Алматы қаласы Алатау ауданы «№26 жалпы білім беретін мектеп» коммуналдық мемлекеттік мекемесінде 9-сынып білім алушыларына дәнтану пәнінің мұғалімі Тілехметова Ғалия «Ұлтаралық келісім және татулық» тақырыбында сыныптан тыс іс-шара өтті.Іс-шараға директордың тәрбие жұмысы жөніндегі орынбасарлары: Кушалиева Г, Бекмедетова Ф қатысты.Мақсаты: ұлтаралық қатынас мәдениеті белгілі бір қоғамдағы әр түрлі ұлт өкілдері арасындағы қатынастың барлық түрлерінен, еңбекте, күнделікті тұрмыста, көпшілік байланыста көрінеді. Әрбір ұлт өкілі басқа ұлт өкілінің жан тазалығын, басқа ұлт өкілдеріне көзқарасын басқалармен салыстыра отырып бағалайды. Басқа ұлт өкілдері бойындағы адамдық жағымды қасиеттерді өз бойына дарытуға, олардағы өмірлік тәжірибе мен шаруашылық жүргізудің озық үлгілерін меңгеруге ұмтылады. Ұлттар мен ұлыстар арасындағы қарым-қатынасты реттеп отыратын жалпы мемлекеттік этникалық мінез-құлық нормасы – әр түрлі ұлт өкілдері арасындағы күнделікті аралас-құралас өмірдегі татулық, адал достық қатынас, өзара түсіністік пен сыйластық, жоғары мінез-құлық мәдениеті мен адамгершілік бір-бірінің ұлттық мақтаныштарына, тұрмыс салтына, әдет-ғұрыптарына, салт-дәстүрін құрметтеуге шақыру.
