"Менің таңдауым - балаларға көмек көрсету!"

Жаңа оқу жылы қарсаңында "Мектепке жол" жалпы республикалық қайырымдылық акциясы басталды. Мектепке жол акциясы 2018 жылғы 1 тамыз бен 30 қыркүйек аралығында "Менің таңдауым - балаларға көмек көрсету!" ұранымен өткізіліп жатыр. Біздің №26 жбб мектепте, әлеуметтік себептер бойынша балалардың мектепке бармауының алдын алу үшін өз жұмысын бастап кетті.

Арамызда алғашқы қадамын жасап, қол ұшын берген жомарт жандар да жоқ емес. Атап айтар болсақ "Іле Алатау", "Бахар" жеке кәсіпкерлері және мектеп ұжымынан жеке тұлға ретінде шыққан жомарт жандар қолдап кетті. Қазіргі таңда акция аясында 1-20 тамыз аралығында 15 оқушыға 152000 теңге көлемінде мектеп формасы, мектеп аяқ киімін, крассовка, мектеп сумкасын, кенце құрал жабдықтары алынды. Әліде де көмек көрсетіледі. Қайырымдылық жасаудан шаршамайық!