№1 педкеңес

Хаттама №1

№26 ЖББ мектеп

29 тамыз 2024 жыл

            №26 ЖББ мектепте 2024 жылдың 29 тамыз күні мектеп мұғалімдерімен педагогикалық кеңес болып өтті.

Қатысқандар: мектеп директоры, педкеңес төрайымы Г.А.Сейтахметова

Мұғалімдер саны – 245

Қатыспағандар саны -0

Тақырыбы: Жаңа оқу жылындағы  оқу процесін ұйымдастыру 

Күн  тәртібінде: 

1. 2024-2025 оқу жылындағы педагогикалық кеңес құрамын бекіту, төраға, хатшысын сайлау (жауапты кәсіподақ ұйымының төрағасы Абілдаев Б.)
2. Жаңа оқу жылындағы оқу процесін ұйымдастырудың ерекшеліктері. Жауапты мектеп директоры Г.Сейтахметова

3.         2024-2025 оқу жылына арналған «Жалпы мектептік жұмыс  жоспарын» таныстыру және бекіту.  Жауапты ДОІЖО К.Жайлганова

4.         2024-2025 оқу жылына пән мұғалімдерінің жүктемесі мен күнтізбелік-тақырыптық жоспарларын бекіту. Жауапты ДОІЖО К.Жайлганова

5.          2024-2025 оқу жылындағы жасақталған сыныптарға сынып жетекшілерді бекіту. Жауапты ДТЖЖО Кушалиева Г.Ш.

6.         Оқушылардың құқығы мен өмірін қорғау, еңбекті қорғау және техника, өртке қарсы қорғаныс қауіпсіздігін сақтаудың іс-шараларының 2024-2025 оқу жылына арналған жұмыс жоспарын бекіту. ДТЖЖО Ф.Бекмедетова

7.         Мұғалімдерді мамандықтары бойынша аттестаттау комиссия құрамын бекіту. ДОІЖО Б.Абілдаев

8.  Мектеп асханасындағы ыстық тамақтың, буфет тағамдарыны, сапасына мониторинг жүргізу жөніндегі комиссия мүшелерін дағайындау және бекіту; 

9.         Ерекше қажеттілікті талап ететін білім алушыларға инклюзивті білім беруді ұйымдастыру ДОІЖО Б.Абілдаев

10. Аутодеструктивті мінез-құлықтың алдын-алу мақсатында педагогикалық ұжымға кеңес беру. Мектеп психологі Зейнолданова Н.

11.         Педагогикалық әдеп жөніндегі кеңес құрамын жаңарту, бекіту.

12. Әртүрлі мәселелер.

Тыңдалды:

• 2024-2025 оқу жылында педагогикалық кеңес төрағасын сайлау мен кеңес мүшелерін бекіту үшін мектептің кәсіподақ төрағасы Абілдаев Б.С. сөз алды. 

         Кеңес төрағасына мектеп директоры Сейтахметова Галя Ақылбекқызын және хатшысы құқық негіздері пәні мұғалімі Жангабылова Сымбаттың  қайта ұсыныс жасады. Кеңес мүшелеріне мектептің барлық педагог ұжымын қамтуды сұрады. Кеңес мүшелері бір ауыздан кәсіподақ ұйымының төрағасының ұсынысын мақұлдады.

•        Мектеп директоры Г.А.Сейтахметова ұжымды жаңа 2024-2025 оқу жылының басталуымен құттықтады. Жаңа оқу жылына ұстаздарға толағай табыстар тілей отырып, өткен 2023-2024 оқу жылында мектеп білім алушылары мен ұстаздары толағай табыс пен жетістіктерге жетіп оқу жылын аяқтағанын мақтан етіп атап өтті.

2024-2025 оқу жылының негізгі ерекшеліктері бойынша түсінік беріп өтті. 

     Оқу жылының ұзақтығы 1-сыныптарда - 33 оқу аптасын, 2-11 (12) сыныптарда – 34 оқу аптасын құрайды 2024 жылғы 2-қыркүйек алғашқы оқу күні, оқудың аяқталуы - 2025 жылғы 23 мамыр.  Тілдерді кезең-кезеңмен оқыту шеңберінде 3-сыныпта «Шетел тілі» пәнін оқыту енгізіледі деп мәлімдеді. «Көркем еңбек» пәнін кезең-кезеңмен «Бейнелеу өнері» және «Еңбекке баулу» пәндеріне бөліп оқыту 3-сыныпта жалғасады, 4-сыныпта «Көркем еңбек» пәні оқытылады.  «ДосболLIKE» бағдарламасын және «Менің бауырым» волонтерлік жобасын іске асыру шеңберінде мектепте салауатты және қауіпсіз білім беру ортасын қалыптастыру бойынша жұмыстар жалғасады деп ақпарат берді. 

     2024 жылдан бастап «Цифрлық ұстаз» жобасын іске асыру шеңберінде тұрмысы төмен отбасылардан шыққан білім алушылармен жұмыс белсендіріледі. 2024 жылдан бастап педагогтерді аттестаттаудың жаңа форматы енгізілді.  «Білім берудегі өзгерістердің 1000 көшбасшысы» кадр резервінің республикалық базасын қалыптастыру бойынша жұмыс жалғасады.  Мектептердің ата-аналар қауымдастығымен өзара іс-қимылы бойынша жұмыстар күшейтіледі. Оқыту мен бағалауда жасанды интеллектіні қолдану аясы кеңейтіледі. «Жер елшілері» креативті жастардың Бүкілқазақстандық экологиялық қозғалысы» жобасы шеңберінде білім алушыларға экологиялық білім беру жүзеге асырылады деп ақпарат берді.

       3. Келесі  2024-2025 оқу жылына арналған «Жалпы мектептік жұмыс жоспарымен» ДОІЖО К.Жайлганова таныстырды және жаңа оқу жылына жасалып, бекітілген оқу жоспарының түсінік хатындағы әрбір пунктке жекелей тоқталып, түсінік беріп өтті. Қазақстан Республикасы                Оқу-ағарту министрінің 2022 жылғы   3 тамыздағы № 348 бұйрығымен бекітілген барлық деңгейде білім берудің мемлекеттік жалпыға міндетті стандартына сәйкес:

 -1-4-сыныптарда «Өмір қауіпсіздігі негіздері» оқу курсының  міндетті түрде оқытылуы қамтамасыз етіледі. Оқу курсының мазмұны «Дүниетану» пәні аясында жүзеге асырылады;  жылдық оқу жүктемесі 1-3-сыныптарда 6 сағаттан, 4-сыныпта 10 сағаттан бастауыш сынып мұғалімдері іске асырады;

-«Жолда жүру ережелері» оқу курсының мазмұнын 1-4-сыныптарда 6 сағаттан сынып сағаттары есебінен және сабақтан тыс уақытта сынып жетекшілері жылдық жұмыс жоспарында тақырыптары мен мерзімін көрсете отырып, іске асырады. 

-5-8-сыныптарда сыныптан тыс уақыттарда және сынып сағаты есебінен 10 сағат көлемінде жүргізіледі, сынып журналының жеке бетінде сабақтың тақырыбы мен сабақтың өткізілген күні көрсетіліп жазылады;

-5-9-сыныптарда «Өмір қауіпсіздігі негіздері» оқу курсын оқыту «Дене шынықтыру» оқу пәнінің аясында дене шынықтыру мұғалімдерімен жылдық 15 сағаттық оқу жүктемесімен жүзеге асырылады. «Өмір қауіпсізді негіздері» бойынша сабақтар міндетті болып есептеледі және оқу уақытында өткізіледі.

-«Өмір қауіпсіздігінің негіздері» оқу курсының мазмұны «Алғашқы әскери және технологиялық дайындық» оқу курсының аясында 12 сағаттық жылдық оқу жүктемесімен алғашқы әскери дайындық пәнінің оқытушы-ұйымдастырушыларының оқытуымен іске асырылады. Өмір қауіпсіздігінің негіздерін оқыту сабақтары міндетті болып табылады және оқыту уақытында жүргізіледі.

Бастауыш білім берудің үлгілік оқу жоспарына мынадай өзгерістер енгізілді: 

- 1-2-сыныптарда «Еңбекке баулу» және «Бейнелеу өнері», ал 3-4-сыныптарда «Көркем еңбек» кіріктірілген пәні оқытылады. 

- оқыту қазақ тілінде жүргізілетін мектептердің 1-сыныбында «Әліппе» және «Ана тілі» пәндері, ал 2-сыныптан бастап, «Орыс тілі» пәні оқытылады;

Негізгі орта (5-8-сыныптар), жалпы орта (10-сынып) білім беру деңгейінде академиялық жыл аяқталған соң қазақ тілінен емтихан тапсыру енгізілді.

5-9-сыныптарда вариативтік компонент сағаттары «Жаһандық құзыреттер» курсын оқуға бөлінеді. 

Жалпы орта білім беру деңгейіндегі қазақ тілінде оқытатын қоғамдық-гуманитарлық және жаратылыстану-математикалық бағыт бойынша вариативтік компоненттің апталық оқу жүктемесінің жалпы көлемі (ҚР Оқу-ағарту министрінің 30.09.2022 ж. №412 бұйрығы, №38, 39 қосымшалар): 

10 сыныпта - 3 сағат; 

11 сыныпта - 3 сағат. 

Оның ішінде 1 сағат «Жаһандық құзыреттер» курсын оқуға бөлінді деп мәлімет берді. 

     2024-2025 оқу жылына сыныптардың жасақталуы мен мұғалімдердің жүктемесін таныстырып бекітуге ұсынды.

• Директордың тәрбие жұмысы жөніндегі орынбасары Кушалиева Гулмира Шабанбайқызы сөз алды.

2023-2024 оқу жылы бойынша «Бастауыш» сыныптар бойынша 58 сынып, 1629 білім алушы; «Негізгі мектеп» 5-9 сыныптар бойынша 70 сынып,1754 білім алушы; 10-11 сыныптар бойынша 11 сынып, 299 білім алушы деп әрбір сыныптағы оқушылар саны бойынша ақпарат беріп өтті. Мектеп бойынша жалпы 3682 білім алушы бар екенін атап өтті. Жаңа оқу жылына сыныптар толығымен жасақталып, аудандық білім бөлімінің басшысына бекітуге ұсынуға дайын деп мәлімдеді. Сонымен қатар үйден оқытуға өтініш жазып, құжат өткізген ата-аналар туралы мәлімет беріп өтті. 1е сынып оқушысы Адильханов Ильяс Жанабекович, 7л сынып оқушысы Қайырғалиев Ермұхамет, 9л сынып оқушысы Мадинова Диана Фархадовна, 11г сынып оқушысы Тлепберген Мадияр Дүйсембайұлы. Қазіргі таңда барлық 4 білім алушының үйден оқытуға құжаттары дайын деп мәлімдеді.Құжаттары дайын білім алушыларға пән мұғалімдері бекітілді, оқу жоспары жасалды деп мәлімдеді. Сонымен қатар 139 сыныпқа төмендегідей сынып жетекшілер бекітілді деп мәлімдеді.

• Директордың ОІЖ орынбасары Ф.Бекмедетова еңбекті қорғау және техника, өрт қауіпсіздігін сақтаудың 2024-2025 оқу жылына арналған іс-шаралар жоспарымен таныстырды. 

        Білім алушыларға қауіпсіз және қолайлы білім беру ортасын қалыптастырып,  өмір қауіпсіздігін сақтап өнегелі тәрбие мен сапалы білім беруілуі керек екенін атап өтті. Еңбекті қорғау және техника, өрт қауіпсіздігін сақтаудың        2024-2025 оқу жылына арналған іс-шаралар жоспарының басты мақсаты мектеп оқушыларын жол, техника, су, өрт қауіпсіздігін сақтауға дағдыландыру және үйрету екенін еске салды.

      Мектеп   мұғалімдерімен және оқушылармен қауіпсіздіктің алдын алу шараларын, атап айтқанда сынып сағаттары, құқық қорғау органдары, өрт қызметкерлерімен кездесулер, сейсможаттығулар, түсіндірме жұмыстарын жоспарлы түрде жүргізу керек екенін айтып өтті.

• Директордың ОІЖ орынбасары  Б.С. Абілдаев педагогикалық қызметкерлер мен оларға теңестірілген тұлғалардың мерзіміне сай біліктілік санаттарын көтергені туралы мәлімет беріп өтті. 2024 – 2025 оқу жылында мамандықтары бойынша  аттестаттау комиссия құрамымен таныстырып, төмендегідей құрамда бекітуге ұсынды.

1. Аттестаттау комиссиясының төрайымы:  Г.А.Сейтахметова – мектеп директоры
2. Төрайым орынбасары: Б.С.Абілдаев – директордың оқу-ісі жөніндегі орынбасары
3. Хатшы: А.О.Естемесова– қазақ тілі мен әдебиеті пәні мұғалімі

Комиссия мүшелері:

1. Г.Т. Дуйсенбиева– математика пәндері бірлестігінің жетекшісі
2. Н.С.Отарбаева – орыс тілі мен әдебиеті пәндері бірлестігінің жетекшісі
3. А.А.Намазиманова – қазақ тілі мен әдебиеті пәндері бірлестігінің жетекшісі
4. Мектептің әлеуметтік педагогі Бейсенова Рахат сөз алды.

Тамақтану сапасына мониторинг жүргізу жөніндегі комиссияның міндеттерімен таныстыра отырып Алматы қаласы Білім басқармасы №26 жалпы білім беретін мектеп білім алушыларын тамақтандыруды ұйымдастыруда тамақтандырудың сапасына мониторинг жүргізу жөніндегі  комиссия мүшелігіне төмендегідей құрам ұсынылады деп таныстырып өтті.

Комиссия құрамы:

            1. Г.А.Сейтахметова            – мектеп директоры, комиссия төрайымы;

            2. М.Е.Қырықбаева              – медбике, мүшесі;

            3. Б.З.Кайыпова                    ­– ДОІЖО, мүшесі;

            4. Б.С.Абілдаев                     – кәсіподақ ұйымының төрағасы, мүшесі; 

            5. Р.Б.Бейсенова                   – әлеуметтік педагог, мүшесі;

            6. А.Ж.Барақбаев                 – қамқоршылық кеңес төрағасы, мүшесі;

7. Г.Н.Исаева                        – 1 в   сыныбының ата-анасы, мүшесі;

8. Л.Б.Акимбекова               – 2 и сыныбының ата-анасы, мүшесі;

9.А.Ж.Есимханова               – 3 а сыныбының ата-анасы, мүшесі;

10. Ж.А.Чоганбаева             – 4 а сыныбының ата-анасы, мүшесі;

11 А.Б.Казенова                   - 1,3,5,7,9 сынып ата-анасы, мүшесі.

Кеңес мүшелері бракераж комиссиясының мүшелерін бір ауыздан мақұлдады.

• Аутодеструктивті мінез-құлықтыі алдын-алу мақсатында педагогикалық ұжымға кеңес беру мақсатында мектеп психологі Зейнолданова Назым сөз алды. Балалар мен жасөспірімдер арасындағы аутодеструктивті және девиантты мінез-құлықтың алдын алу, жасөспірімдермен  жұмыс  ұйымдастыру проблемасын талқылауға жағдай жасау. Оқушылардың өзара буллинг, кибербуллинг жайлы толық мағлұматтар   беруі үшін кеңестер берілетіндігі жөнінде ескертіп өтті. Аутодеструктивті мінез-құлыққа  бейім тұлғаның ерекшеліктері туралы да педкеңес мүшелеріне кеңірек мәлімет берп өтті.
   Жабығулы көңіл күй, асқа тәбеттің және өмірлік белсенділігінің жиі жоғалуы, ұйқысының қашуы, оқшаулануы, өзін ешкімге керегі жоқ сезінуі байқалатын болады деп атап өтті.
            Мазасызданған баламен қалай әңгімелесу керектігі жайлы төмендегі  ұсыныстарды  басшылыққа алған жөн.
   Бәсекеден және жылдамдықты есептейтін қандай да бір жұмыс түрлерін таңдамау қажет;
   Баланы айналадағы адамдармен салыстырмаңыз;
   Баланың есімін айту арқылы назарын аударту;
   Сенімді жүріс-тұрыс үлгілерін көрсет, барлық жағдайда балаға үлгі болу;
   Баланы тәрбиелеуде бірізді болу;
   Балаға шама келгенше аз ескерту жасау;
   Қажет жағдайда ғана жазалауды пайдалану;
   Жазалану кезінде баланың абыройын түсірмеу;
   Баланың өзін-өзі бағалауын жоғарылату, не үшін екенін білетіндей жиі мадақтаңыз;
   Қазақстан Республикасының «Тұрмыстық зорлық-зомбылық профилактикасы туралы» Заңының 4 бабына сәйкес, тұрмыстық зорлық-зомбылық тек күш көрсету немесе психологиялық қана емес, сексуалдық және (немесе) экономикалық зорлық-зомбылық түрінде болуы мүмкін деп атап өтті. 

• «Ерекше қажеттілікті талап ететін білім алушыларға инклюзивті білім беруді ұйымдастыру бойынша директордың ОІЖ орынбасары  А.С. Абілдаев сөз кезегін алды.

           «Білімді Ұлт» сапалы білім беру» Ұлттық жобасының басты міндеттерінің бірі инклюзивті білім беру ортасын құру. Білім беру ұйымдарындағы әрбір адамның өзіндік ерекшелігін, әртүрлілігін құрметтеу, білім берудің кез келген субъектісіне қолайлы, жағымды мектеп қоғамдастығын құру, инклюзивті құндылықтарды қабылдау инклюзивті мәдениетті қалыптастырудың негізін құрайтынын ескертіп айтып өтті.

            Жалпы инклюзивті білім беру бойынша мектебімізде логопед, дефектолог, педагог-ассистент мамандарымыз оқушылармен қызмет атқарады. Сабақ кестесіне сәйкес ПМПК қортындысының негізінде 2024-2025 оқу жылында 18 оқушы қабылданды деп мәлімет берді. Барлық оқушының сабаққа уақытылы қатысуына педагог-ассистент маманы жауапты екенін айтты. 

Білім беру ұйымында қауіпсіз білім беру ортасын ұйымдастырып, ерекше қажеттілікті талап ететін білім алушыларға инклюзивті білім беруді ұйымдастыруды  ұсынды.

• Педагогикалық әдеп жөніндегі кеңес құрамының жұмысы   туралы сөз алды. Осы кезге дейін мектеп ішінде мұғалімдер арасында ешқандай келеңсіз оқиғалар тіркелмегендігі туралы мәлімет беріп өтті. Кеңес құрамын қайта қарау туралы ұсыныс жасады. 
• Аймұхамбетова Таслима Мухтаровна - кеңестің төрайымы мектеп педагогі;

Кеңестің мүшелері:

1. Акмурзаева Карлығаш Медербековна  - Алатау ауданы Білім бөлімінің бастығы;
2. Баракбаев Айтулган – құрметті еңбек ардагері;
3. Нұрманова Айымхан Сандыбаевна – мектеп педагогі;
4. Таскожаева Нұрзат Айкожаевна – кәсіподақ мүшесі;

Жайлганова Камила Мурсаловна – хатшы, мектеп педагогі.

Ұсыныс мектеп ұжымының талқысына салынып бірауыздан мақұлданды.

• Мектеп директоры, кеңес төрайымы Г.Сейтахметова сөз алды. Жоғарыда айтылған ұсыныстар туралы кеңес мүшелерінің шешімімен келісетіндіктерін атап өтті.

Оқу жылын бастағалы отырмыз, жаңа оқу жылы сәтті, табысты жыл болсын деп тілек білдірді. Жаңа оқу жылының басталғанын білдіретін «Алғашқы қоңырау» салтанатты жиынының өтілуіне 1,11 сынып оқушыларын қатыстыруды сынып жетекшілерге жүктеді. Іс-шараны дұрыс ұйымдастыруды ДТЖЖ орынбасарлары Г.Кушалиева мен Ф.Бекмедетоваға тапсырды.

Шығып сөйлеушілер:

Бастауыш сынып мұғалімі Акылбаева Майнұр оқушылардың дәптерлерін тексеруге қызыл сиямен жұмыс жасауға кеңес мүшелеріне ұсыныс білдірді.

Кеңес мүшелері бір ауыздан қызыл сиямен жұмыс жасау ыңғайлы екенін айтып, қолдайтындықтарын білдірді. 

ҚАУЛЫ:

1.         2024-2025 оқу жылында педагогикалық кеңес төрағасы Сейтахметова Галя Ақылбекқызы, хатшысы Жангабылова Сымбат Мухаметкариевна, мүшелеріне барлық педаготер толықтай қамтылсын;

2.        2024-2025 оқу жылына жасалған «Жалпы мектептік жұмыс  жоспары» бекітілсін, барлық мектеп педагогтері басшылыққа алып, жұмыс жүргізілсін;

3.         2024-2025 оқу жылына жасалған әдістемелік бірлестік бойынша  мұғалімдердің күнтізбелік-тақырыптық жоспарлары мен мұғалімдерге берілген жүктемелері бекітілсін;

4.        2024-2025 оқу жылында жасақталған 139 сыныпқа тағайындалған сынып жетекшілер бекітілсін;

5.         Оқушылардың құқығы мен өмірін қорғау, еңбекті қорғау және техника, өртке қарсы қорғаныс қауіпсіздігін сақтаудың іс-шараларының 2024-2025 оқу жылына арналған жұмыс жоспары бекітілсін;

6.         Мұғалімдерді мамандықтары бойынша аттестаттау комиссия құрамы бекітілсін;

7.      Тамақтандырудың сапасына мониторинг жүргізу жөніндегі  ұсынылған комиссия мүшелерінің  құрамы бекітілсін;

8.         Ерекше қажеттілікті талап ететін білім алушыларға инклюзивті білім беруді ұйымдастыру мен бақылау ДОЖЖО Б.Абілдаевқа жүктелсін;

9.  Мектеп психологінің берген әдістемелік нұсқаулығын басшылыққа алу барлық ұжым мүшелеріне жүктелсін;

10.         Педагогикалық әдеп жөніндегі кеңес құрамы бекітілсін;

11.        Мектеп оқушыларының дәптерлерін тексеруге қызыл сия таңдалсын.

Мекте директоры                                               Г.А.Сейтахметова

Хатшы                                                                 С. Жангабилова