“Тәуелсіздік негізі - бірлік және ынтымақ”

Алматы қаласы Алатау ауданы 26 жалпы білім беретін мектептің 6 “А” сыныбында “Тәуелсіздік негізі - бірлік және ынтымақ” тақырыбында сынып сағаты өткізілді. Сынып сағатының мақсаты:
Оқушыларға Қазақстанның тәуелсіздік тарихы мен оның негізі – бірлік пен ынтымақ туралы түсінік беру.
Ұлттық бірлік, ынтымақ, және ел тәуелсіздігінің маңызы туралы ой қозғау.
Оқушылардың патриоттық сезімдерін оятып, еліміз үшін бірлік пен ынтымақтың қандай маңызды рөл атқаратынын түсіндіру.
Сынып сағатының міндеттері:
Оқушыларға тәуелсіздік жолындағы еліміздің жетістіктері мен тарихи кезеңдер туралы мәлімет беру.
Ұлттық бірлік пен ынтымақтың Қазақстан Республикасының дамуы үшін маңыздылығын түсіндіру.
Оқушыларды өзара келісім мен достықта өмір сүруге, бір-біріне көмек көрсетуге тәрбиелеу.
Оқушылардың патриоттық сезімдерін оятып, Қазақстанның болашағына деген жауапкершілік сезімін қалыптастыру.
Бірлік пен ынтымақты насихаттау арқылы оқушыларды ортақ мақсатқа ұмтылуға және еліміздің әл-ауқатын жақсартуға үлес қосуға ынталандыру.
Бұл сынып сағатының құрылымында оқушылар тәуелсіздік және бірлік туралы ойларымен бөлісіп, тарихи маңыздылықты тереңірек түсінді. 
Сынып жетекшісі: Әбдіқалық Назерке Ерланқызы